الرئيسية / اخبار عاجلة / سارة العجيمي تكتب: في عيد الثورة

سارة العجيمي تكتب: في عيد الثورة

في عيد الثورة

كل عام واحنا بخير!

كل عام واحنا بنجري وشقيانين

وف حياتنا خسرانين

والطموح بقي شئ سخيف

ماله معني ف العيون البهتانين

كل عام والحلم جوانا شهيد

دمه ينزف زي سيل

غرق شوارعنا بيأس

وليل طويل

 

كل عام واحنا بخير!

كل عام وشبابنا مجهولي المصير

بالبطاله معروفين

والقهاوي بفضلهم مليانه خير

كل عام والشعب تايه ف الهموم

روحه ماتت

قلبه بارد

حتي صوته انكتم

ودموعه جمدت

 من آهات الغلبانين

 

كل عام واحنا بخير!

كل عام والظلم جوانا وعلينا

حتي أخلاقنا نسينا

والمبادئ مش سليمه

 والضمير بقي شئ قديم

 

كل عام واحنا بخير!

كل عام والفقر بيموت شعوبنا

 وجهلنا مضيع مصيرنا

صرنا لعبه ف إيد كلاب

خوفنا سيطر ع العقول

خلي دنيتنا جحيم

الشجاع يتهان يموت

والجبان بقي سيد شعوب

كل عام واحنا بخير!

 

كل عام والنهضه مستقبل شعوبنا

والأماني الحلوه بكره

تبقي واقع بس نصبر

والكلام ياكل عقولنا

واحنا لسه مصدقين

كل عام واحنا بخير!

Share on Facebook
Facebook
0Pin on Pinterest
Pinterest
0Share on Google+
Google+
0Tweet about this on Twitter
Twitter
Share on LinkedIn
Linkedin

يُسعدنا أن تشارك الموضوع مع أصدقائك !

عن عبد الله شنب

عبدالله عثمان شنب، طالب في كلية الإعلام جامعة الأزهر، قسم الصحافة والنشر، صحفي في موقع المبدأ الإخباري. أهتم بأخبار مصر وأخبار العالم العربي والدولي، وعملت كمصور تلفزيوني في قناة الحدث اليوم، وتدربت في قناة extra news كمحرر للأخبار.

اترك تعليقاً

لن يتم نشر عنوان بريدك الإلكتروني.